Жазылу
Бүгін, 15:45
Түркия Ресей мұнайынан бас тартса, салынған санкциялар жойылуы мүмкін
Трамп Түркия Ресей мұнайын сатып алудан бас тартса, санкцияларды жұмсарту және F-35 жойғыш ұшақтарын жеткізуді қайта бастау мүмкін екенін айтты.
Бұл туралы ол Ақ үйде Режеп Тайып Ердоғанмен кездесу кезінде мәлімдеді.
Ердоған АҚШ-қа алты жылдан кейін барып тұр. Кездесуде қару-жарақ келісімдері, Boeing ұшақтарының жеткізілімі және Сириядағы жағдай талқыланды. Ал Газа мәселесінде тараптардың ұстанымы әртүрлі болып шықты.
«Біз Түркия мен АҚШ арасындағы қарым-қатынастың жаңа кезеңін бастан өткеріп жатырмыз», - деді Ердоған. Ол F-35, F-16 және Halkbank ісі бойынша оң өзгерістерге үміт артатынын атап өтті.
Айта кетейік, Үндістан да Ресей мұнайынан бас тарту үшін АҚШ-қа талабын қойды.
