Түркияда зауытта жарылыс болып, 12 адам қаза тапты

Түркияның солтүстік-батысындағы зауытта жарылыс болып, 12 адам қаза тауып, төртеуі жараланды. Бұл туралы сейсенбі, 24 желтоқсанда Түркияның ішкі істер министрі Али Йерликая мәлімдеді. Жарылыс жергілікті уақыт бойынша 08.25-те болды, қазір өрт сөндірілді.

Оқиға Каваклы ауылындағы азаматтық мақсатта оқ-дәрілер мен жарылғыш заттар шығарылатын зауытта болған. Тергеу басталды. Қазіргі уақытта диверсияға қатысты ешқандай күдік жоқ, деп хабарлайды CNN Turk Балыкесир провинциясының губернаторы Исмаил Устаоғлыға сілтеме жасап. Оның айтуынша, жарылыс салдарынан зауыт ғимаратының бір бөлігі опырылып құлаған.

Түркия президенті Режеп Тайып Ердоған әлеуметтік желіде 12 адамның қазасына «қатты қайғыратынын» айтты. Мемлекет басшысы олардың жақындарына көңіл айтты.