Түркістан әкімі Дархан Сатыбалды жаңа қызметке тағайындалды

«Мемлекет басшысының жарлығымен Дархан Сатыбалды Қазақстан Республикасы Президенті Әкімшілігі Басшысының бірінші орынбасары болып тағайындалды, ол бұрын атқарған қызметінен босатылды», - делінген хабарламада.

Дархан Сатыбалды 1974 жылы 26 наурызда дүниеге келген, Сейфуллин атындағы Ақмола ауыл шаруашылығы институтын, Қазақ гуманитарлық-заң университетін бітірген. Экономист-менеджер, заңгер;

1991 жылы Келес ауданы «Коммунизм» бөлімшесінің қызметкері болған;

1996-1999 жылдары - Келес ауданы «Келес» мемлекеттік кәсіпорнының аға экономисі, Ақмола облысы «Құрақов и К» ЖШС бас есепшісі;

2000-2002 жылдары мемлекеттік органдарда бюджеттік рәсімдердің орындалуын бақылау кеңесінің жетекші, бас бақылаушы-ревизоры;

2002-2006 жылдары - Қазақстан Республикасы Президенті Әкімшілігінің бюджеттік жоспарлау және қаржылық бақылау бөлімінің көмекшісі, кеңесшісі, бас сарапшысы және сектор меңгерушісі.

2006-2007 жылдары - Астана қаласы әкімдігінің «Жылу» мемлекеттік кәсіпорнының директоры, Жоғарғы Сот жанындағы Сот әкімшілігі комитетінде жұмыс істеген;

2007-2010 жылдары – Білім және ғылым министрлігі Бюджет департаменті директорының орынбасары, Қаржы департаменті директорының орынбасары, Ғылым комитеті төрағасының орынбасары;

2010-2013 жылдары – Ұлттық қауіпсіздік комитетінің бөлім бастығы. Премьер-Министр Кеңсесінің әлеуметтік-экономикалық бөлімі меңгерушісінің орынбасары;

2013-2015 жылдары – Шымкент қаласының әкімі;

2015-2017 жылдары - Оңтүстік Қазақстан облысы әкімінің бірінші орынбасары;

2018-2019 жылдары Парламент Сенатының Шымкент қаласынан депутаты, Әлеуметтік-мәдени даму және ғылым жөніндегі тұрақты комитетінің мүшесі;

2019 жылдың 18 наурызынан бастап Қазақстанның Өзбекстандағы Елшісі қызметін атқарды;

2022 жылдың 31 тамызында Дархан Сатыбалды Түркістан облысының әкімі болып тағайындалды.