Түркістанда бұрынғы бас дәрігер мен оның серіктесі ұсталды

Тергеу мәліметіне қарағанда, Қазығұрт аудандық ауруханасының экс-басшысы медицина жабдықтарын сатып алу кезінде жасырын схема құрған. Ол таныстарын тартқан, туыстарына тиесілі фирмалар арқылы жабдықтардың бағасын бірнеше есе өсіріп, жалған келісімшарттар жасаған.

Ұрланған қаражат қолма-қол ақшаға айналып, қатысушылар арасында бөлінген. Күдіктілердің бірі ұрланған қаржыға Астанадан пәтер алғаны анықталып, оған тыйым салынды.

Бас дәрігерге кепіл мөлшері белгіленсе, оның сыбайласы үйқамаққа алынды.