Турлов Қазақстанда тағы бір банкті сатып алуды жоспарлап отыр

 Бұл туралы Тимур Турлов Bloomberg-ке берген сұхбатында айтты.

Тимур Турловтың айтуынша, сатып алу нысаны Freedom Bank Kazakhstan көлеміне сай болуы тиіс. Қазіргі уақытта банк активтері шамамен 2,5 трлн теңге көлемінде. Холдингке корпоративтік портфелі мықты және баланстық құнынан төмен бағаланған банк қызықты – мұндай актив біріктіру кезінде синергия береді.

Freedom Holding әзірге соңғы шешім қабылдамағанымен, холдингтің стратегиясы ел ішінде банктік бизнесті ұлғайтуға бағытталған. Сонымен қатар топ Қазақстандағы басқа мәмілелерді де қарастырып жатыр, бірақ басты назар банктік бағытты кеңейтуге қойылған.