Тwitter-дегі жазушылар саны 8 болған. Сауд Арабиясында 54 жастағы мұғалім твиттердегі жазбасы үшін өлім жазасына кесілді

Human Rights Watch ұйымы сот әл-Гамдиді тек Twitter және YouTube жазбаларына сүйене отырып, үкіметке қарсы сөйлеу және мемлекеттік институттарға нұқсан келтірді деп айыпты деп танығанын хабарлады.

Ұйым мәліметінше, Сауд Арабиясының қылмыстық істер жөніндегі мамандандырылған соты 10 шілдеде шешім шығарған. Сотталушының кінәсінің дәлелі ретінде оның твиттеріне,  сондай-ақ YouTube желісіндегі белсенділігіне назар аударылды. Соттың айтуынша, әл-Гамди «король мен тақ мұрагерін дін мен заңдарға зиян келтіретіндей сипаттайтын», террористік ұйыммен байланысы және жалған ақпарат жариялағаны үшін кінәлі. 

әл-Гамдидің twitter-дегі жазушылар саны 8, ал YouTube-тегі жазылушылар саны 0 болған.

HRW оппозицияға қарсы қысым күшейгенін хабарлады

Human Rights Watch ұйымы корольдікті үкімнің күшін жоюға шақырып, бұл «сөз бостандығына қысымның күшеюі мен бейбіт саяси наразылықтарды көрсетеді» деп мәлімдеді.

«Сауд Арабиясындағы қуғын-сүргін жаңа деңгейге көтерілді, сот твиттер үшін өлім жазасын тағайындайды», — деді HRW-тің Сауд Арабиясы бойынша сарапшысы Джои Ши.

Ол ел билігін «әділдіктің бұл  ниетінен бас тартуға» шақырды.

Мұхаммед әл-Гамди 2022 жылдың маусымында Меккедегі үйінің жанында ұсталып, Джидданың солтүстігіндегі әл-Дахбан түрмесіне орналастырылды, онда ол төрт ай бойы жалғыз камерада ұсталды және адвокаты мен туыстарымен кездесуге рұқсат бермеді. Кейін ол Эр-Риядтағы әл-Хайр түрмесіне ауыстырылды.

Amnesty International құқық қорғау ұйымының мәліметінше, Сауд Арабиясы өлім жазасы ең жоғары елдердің бірі.