Үкімет жарты жылда 98 мың адамның тұрақты жұмыспен қамтылғанын айтты

315 мыңнан астам қазақстандық жұмыспен қамтуды белсенді қолдау шараларымен қамтылған. 231 мыңға жуық адам жұмысқа орналастырылса, оның 98 мыңға жуығы тұрақты жұмыс орнына ие болды, делінген Үкімет хабарламасында.

Сонымен қатар, 36 мыңнан астам жұмыссыз азамат онлайн-оқытудан өтіп, оның 33 мыңға жуығы курстарын аяқтаған. Ал, «Бастау Бизнес» жобасы 38 мың адамды қамтып, әлеуметтік кәсіпкерлер үшін 4 мыңнан астам грант берілді.

2029 жылға дейінгі тұжырымдамасына сәйкес еңбек нарығын дамыту бойынша жаңа шаралар іске асырылды, 200 мыңға жуық сапалы жаңа жұмыс орны ашылды.