Украина әскері Белгородқа тағы шабуыл жасады

Белгород облысының губернаторы Вячеслав Гладковтың айтуынша, Украина әскері өңірдің үш ауданы мен облыс орталығын 35 снарядпен атқылаған. Бұған дейін атқылаудан Журавлевка, Нехотеевка, Разумное, Дубовское, Стрелецкий, Тавровский, Крутологский селолары мен Белгород қаласындағы үйлер қирап, 15 автокөлік жанып кеткен.

Украина желтоқсан айының соңынан бері Ресейдің атқылауларына жауап қайтарып келеді. Украина Қарулы күштерінің 30 желтоқсандағы шабуылынан Белгородта 25 адам қаза тауып, 100-ден аса адам зардап шекті.

2 қаңтарда жасалған шабуылда бір адам ғана көз жұмған. Осыған байланысты Белгород облысының тұрғындары губернатордан балалардың өміріне алаңдап, басқа облыстарға көшіру туралы ұсыныс айтқан. Облыс басшысы оларды Липецк, Тула мен Пенза облыстарына көшіруге уәде берген. Ал Украина әскері болса, шабуылды одан әрі жалғастыратынын мәлімдеді.