Украина әскері Курск облысында шабуылға шықты

Украина қарулы күштері Ресейдің Курск облысына шабуыл жасады, бұл туралы Украинаның Ұлттық қауіпсіздік және қорғаныс кеңесі жанындағы жалған ақпаратқа қарсы орталықтың басшысы Андрей Коваленко хабарлады. 

Бұл хабарларды Украина президенті кеңсесінің басшысы Андрей Ермак жанама түрде растап: «Курск, жақсы жаңалық, Ресей лайықтысын алып жатыр» деп жазды.

Украина қарулы күштерінің соққысы 2024 жылдың тамызынан бері Украинаның бақылауында болған Суджадан Большой Солдатское бағытында жүргізіліп жатыр. Бұл Суджаның солтүстік-шығысында, Курск бағытында орналасқан тағы бір облыс орталығы.

Украина Курск облысындағы ауыл мен елді мекенге зымыранмен шабуыл жасады

2 қаңтарда Украина қарулы күштері Ресейдің Курск облысы Марино ауылындағы ресейлік әскерилердің командалық пунктіне шабуыл жасады. «Бұл шабуылдар, ең алдымен, Ресей Федерациясының Украинаның бейбіт тұрғындарына қарсы әрекеттерді жүзеге асыру қабілеті мен ұмтылысын әлсіретуге бағытталған», - деп хабарлады Украина Қарулы Күштерінің Бас штабы.

Сонымен қатар, Украина ерікті армиясының өкілі Сергей Братчуктың айтуынша, Мариноға жақын орналасқан Ивановское ауылы зардап шеккен. «Онда Ресей Федерациясының 810- теңіз жаяу әскері бригадасы орналасқан» деді ол.

Украина Ұлттық қауіпсіздік кеңесі жанындағы Жалған ақпаратқа қарсы орталықтың басшысы Андрей Коваленко шабуыл салдарынан «Ресей Федерациясының 810- бригадасы үлкен шығынға ұшырады» деп мәлімдеді.