«Украина билігі Ресей Қарулы Күштерінің 2026–2027 жылдарға арналған шабуыл жоспарларын алды» — Зеленский

 Ол Ресейде осы мақсаттарға жетуге жеткілікті күш жоқ екенін айтты.

«Біз 2026–2027 жылдарға арналған жоспарларды алдық. Көріп отырмыз, олар өз мақсаттарына жете алмады. Олардың не қалайтынын түсінеміз. Бағыттары әлі де өзекті – біздің елдің шығысын, яғни Донецк пен Луганскты оккупациялау. Олар, әрине, Запорожье және Днепр бағытында әрекет жасағысы келеді. Сондай-ақ Одесса өңіріне де көз тігіп отыр. Бірақ бұл карталар шындыққа сай емес, өйткені олар өз тапсырмаларын орындай алмайды», - деді Зеленский.

Президенттің айтуынша, Ресейдің 2026 жылдың көктеміне жоспарлаған шабуылы 2025 жылдың соңына дейінгі мақсаттарға байланысты болған. Нәтижесінде «оның қалаған наурыз шабуылы басталуы мүмкін емес».

«Мен көктемде шабуыл бола ма, білмеймін. Олар шабуыл жасағысы келеді, бірақ әзірге күштері жетпейді… Барлығы келісімдерге, шабуылдарға, қару-жараққа, біздің қару жеткізілуімізге және өндірісімізге байланысты», - деді Зеленский.

Сондай-ақ, украиналық барлау деректеріне сәйкес, Ресей президенті Владимир Путин әлі жалпы мобилизация жүргізуді жоспарламай отыр.