Украина дрондары Мәскеуге жақындағанда атып түсірілді

Бұл туралы қала мэрі Сергей Собянин хабарлады. Сонымен қатар Ресейдің бірнеше өңірінде дрон шабуылы қаупіне байланысты дабыл жарияланды.

Украинаның OSINT арналарының дерегінше, Смоленск облысындағы мұнай өңдеу зауытына шабуыл жасалған. Алайда бұл ақпарат ресми түрде расталған жоқ.

Сергей Собянин түн ішінде бірнеше мәрте Мәскеу маңында дрон топтарының жойылғанын хабарлады. Оның айтуынша, құлаған пилотсыз аппараттардың сынықтары табылған жерлерде төтенше қызмет өкілдері жұмыс істеп жатыр. Әзірге қираған нысандар немесе адам шығыны туралы мәлімет жоқ.

Сонымен қатар, Мәскеу маңындағы Калуга әуежайында дрон шабуылына байланысты ұшақтардың қабылдануы мен ұшырылуына уақытша шектеулер қойылғанын Федералдық әуе көлігі агенттігінің өкілі Артём Кореняко мәлімдеді.