Жазылу
Украина Ресей Федерациясы мен оккупацияланған аумақтардан 5 баланы қайтарды
Украинаға оралғандардың арасында жақында ғана кәмелеттік жасқа толған үш жігіт және ата-аналарының украиншыл ұстанымына байланысты 11 және 14 жастағы балалар Ресей Федерациясында қуғын-сүргінге ұшыраған төрт адамнан тұратын отбасы бар.
2022 жылы ақпанда Ресей басып алғаннан кейін Украинадан әкетілген бес украиндық бала отанына оралды. Бұл туралы дүйсенбі, 9 желтоқсанда Украина президенті кеңсесінің басшысы Андрей Ермак өзінің Telegram-каналында хабарлады.
Қайтарылғандардың арасында жақында кәмелеттік жасқа толған үш украиндық бар. Ермактың айтуынша, олардың екеуі Ресей Федерациясында ұзақ уақыт болып, психологиялық қысымды бастан кешірсе, үшіншісі Ресей әскері басып алған аумақтан Украинаға оралған. Владимир Зеленский кеңсесінің басшысы нақты қай аймақ туралы айтып отырғанын нақтыламады.
