VIP зират пен оған кеткен миллиардтар

1 миллиардқа жуық қаражат кеткен зиратта  министр, депутат, әкімдер мен елге еңбегі сіңген белгілі тұлғалар жерленеді. Астанадан 20 шақырымдай жердегі Қабанбай батыр кесенесінің түбінен орын берілген ұлттық қорымда келушілерге ыңғайлы болсын деп орындықтар, жарықшамдар қойылыпты. Айналасы көгалдандырылған қорымда 2013 жылдан бері қарай бірнеше мемлекет қайраткері мен оның туыстары жерленіп үлгерген екен. Айта кетейік, қала әкімдігі ұлттық пантеонның бірінші кезеңінің құрылысына ең алдымен 2 миллиард 300 миллион теңге қажет болады деп жоспарлаған. Артынша, «молаға еденді электрмен жылытуға арналған құрылғыны орнату деген не сұмдық?» деп қоғамда қызу талқыға түскеннен кейін  бұл сомма 950 миллион теңге болып қысқарады. 

Міне, осы қаражатқа қорым абаттандырылып болашақ жерлейтін орындар дайындалып қойылған. Қазір бас аяғы 19 бос орын тұр. Осы жерлер толғаннан кейін пантеонды ұлғайта беретіндерін айтыпты.

Фото: informburo.kz