Зеленский екінші мерзімге сайлауға түсуге дайын

The Economist мәліметтеріне сәйкес, Зеленский өз командасына толық бітімгерлік орнатылғаннан кейін сайлау ұйымдастыруды тапсырған. Бұл Украинада сайлау өткізу дайындықтары басталуы мүмкін екенін көрсетеді. Әскери жағдай 2025 жылдың 20 сәуіріне дейін аяқталса, сайлауды ұйымдастыру жұмыстары басталады деп жоспарлануда.

Алғашқы белгісі ретінде — Украина Жоғарғы Радасының әскери жағдайды ұзарту мәселесін қарастыруы. Бұл процесс 5 мамырға дейін аяқталуы тиіс. Заң бойынша, сайлау әскери жағдайдың тоқтатылуынан кейін кем дегенде 60 күн өткен соң өтеді. Дегенмен, кейбір дереккөздер, сайлау комиссиясына тіркеу тізімдерін жаңарту үшін үш ай уақыт қажет болатынын айтады.

Украиналық саясаткерлердің пікірінше, Зеленский шілде айында сайлау өткізуді жоспарлап, қысқа мерзімде сайлау науқанын өткізуге тырысуы мүмкін. Бұл уақытта бәсекелестерінің дайын болмауы мүмкін деп есептейді олар. Ал ұзаққа созылған сайлау науқаны елді қиын жағдайға түсіруі мүмкін.

Алайда оппозициялық күштер Украинада президенттік сайлау науқанының ұзақ әрі толыққанды өтуін талап етіп отыр. Украина бұрынғы президенті Петр Порошенконың айтуынша, сайлау тамыз айынан қазан айына дейінгі аралықта өтеді деп күтілуде. Ол Зеленскийдің оны жазалау үшін жеке санкциялар енгізгені сайлау науқанының басталуы болатынын мәлімдеді.

Сонымен қатар, Батькивщина партиясының депутаты Сергей Власенко әскери жағдайдың тоқтатылуы мен бітімгерлік орнатуға 8 мамырға дейін қол жеткізу қиын болатынын айтты. Бұған қоса, ол шетелде, соғыс жағдайындағы аймақтарда және Украинадан тыс жерлерде дауыс беру құқығын қамтамасыз ету де үлкен қиындықтар туғызатынын жеткізді.

Осылайша, Украинада президенттік сайлау уақыты әлі белгісіз болып тұр. Әскери жағдайдың тоқтатылуы мен бітімгерлік орнатылуына байланысты көп нәрсе шешілетін болады.