Жазылу
Бүгін, 10:05
Зеленский НАТО-ға мүше болудан бас тартуы мүмкін
Украина президенті Владимир Зеленский егер АҚШ, Еуропадағы серіктестер, сондай-ақ Канада мен Жапония тарапынан нақты қауіпсіздік кепілдіктері берілсе, елінің НАТО-ға мүше болу ниетін қайта қарауға дайын екенін айтты.
«Біз Украина мен Америка Құрама Штаттары арасындағы екіжақты қауіпсіздік кепілдіктері туралы айтып отырмыз. Нақтырақ айтқанда, 5-бапқа ұқсас кепілдіктер туралы. Сондай-ақ еуропалық әріптестерімізден және Канада, Жапония секілді басқа елдерден де қауіпсіздік кепілдіктері қажет», - деді Зеленский журналистерге.
Сондай-ақ ол Киевтің осы апта басында еуропалық көшбасшылармен өткен кеңестерден кейін жолдаған бейбіт жоспарға қатысты жаңартылған ұсыныстарына Вашингтоннан әзірге ресми жауап түспегенін атап өтті.
