Жазылу
Зеленский: Ресей Қытай спутниктерінің деректерін пайдалануы мүмкін
Украина президенті Владимир Зеленский Ресейдің Украина аумағындағы энергетикалық инфрақұрылым нысандарына соққы жасау кезінде Қытай компаниялары ұсынған спутниктік түсірілімдерді пайдалануы ықтимал екенін мәлімдеді.
Бұл туралы Украина басшысы бейсенбі, 24 желтоқсанда Х әлеуметтік желісіндегі парақшасында жазды. Оның айтуынша, Украина аумағын Қытай спутниктерінің түсіруі мен одан кейін Ресейдің энергетикалық нысандарға жасаған шабуылдары арасында белгілі бір сәйкестік байқалады.
Зеленский бұл мәліметтер Украина сыртқы барлау қызметінің басшысы Олег Иващенкомен өткен кездесуден кейін белгілі болғанын атап өтті. Президенттің сөзінше, ғарыштық барлау деректерін ұсынуы мүмкін Қытайдағы құрылымдар мен Ресей арасындағы байланыстар күшейіп келеді.
Украина басшысы бұл мәселені одақтастарымен талқылауды жоспарлап отырғанын жеткізді.
