Зеленский соғыс аяқталса, қызметінен кететінін мәлімдеді

Зеленскийдің айтуынша, бейбіт кезеңде президент болу оның мақсаты емес. «Мен дайынмын», – деді ол өз қызметін соғыспен бірге аяқтауға әзір екенін меңзеп. Сондай-ақ ол атысты тоқтату келісімі жасалса, парламентке жаңа сайлау өткізу туралы ұсыныс жасайтынын мәлімдеді.

Сұхбат барысында Украина басшысы Ресей билігіне қатаң ескерту жасап, «Соғысты тоқтатыңыздар немесе жақын маңдағы бомбаға қарсы паналардың қайда екенін біліп қойыңыздар» деді.

Зеленскийдің сөзінше, АҚШ президенті Дональд Трамп Киевтің ресейлік энергетикалық инфрақұрылым мен қару-жарақ зауыттарына соққы беруін қолдап отыр. Ол қосымша алыс қашыққа ұшатын қару жеткізілсе, Украина оны міндетті түрде қолданатынын да ашық айтты.