Зеленский Украина мен АҚШ делегацияларының кездесуі туралы хабарлады

Келесі аптада Украина мен АҚШ делегацияларының кездесуі өтеді. Бұл туралы Украина президенті Владимир Зеленский мәлімдеді.

«Украина мен америкалық командалар жұмысын қайта бастады, біз келесі аптада мазмұнды кездесу өткіземіз деп үміттенеміз», - деп жазды Зеленский.

Fox News журналисі Джеки Генрих келіссөздердің 11 наурызда Сауд Арабиясының астанасы Эр-Риядта басталатынын атап өтті.

Оның айтуынша, келіссөздерге АҚШ тарапынан мемлекеттік хатшы Марко Рубио, президенттің ұлттық қауіпсіздік жөніндегі кеңесшісі Майкл Уолц және Дональд Трамптың Таяу Шығыстағы арнайы өкілі Стив Уиткофф қатысады. Келіссөздерге Украина тарапынан президент кеңсесінің басшысы Андрей Ермак қатысады.

Бұған дейін Майк Уолц Вашингтон мен Киев өкілдері атысты тоқтату туралы келіссөздердің күнін, орнын және қатысушыларын талқылап жатқанын айтқан.

Украина президенті кеңсесінің басшысы Андрей Ермак Вальспен телефон арқылы сөйлескенін айтты.

«Біз әділ және тұрақты бейбітшілік жолындағы келесі қадамдарды талқыладық. Біз сондай-ақ қауіпсіздік мәселелері және Украина мен АҚШ арасындағы екіжақты қарым-қатынастар аясындағы ұстанымдарды келісу туралы пікір алмастық. Бұл маңызды жұмысты жалғастыру үшін біздің командалар жақын арада бас қосады деп келістік», - деді ол.