Зеленский «жеңіс жоспарын» ұсыну үшін АҚШ-қа барды

Украин мемлекеттік агенттігінің хабарлауынша, Зеленский дүйсенбі күні БҰҰ-дағы Болашақ саммитінде сөз сөйлейді. Әлемдік көшбасшылар қатысатын бұл халықаралық форумда «біз бүгініміз жақсы болуы үшін және болашақты қалай сақтауға болатыны туралы жаңа халықаралық консенсусты қалыптастыру» жоспарлануда», - делінген Саммит сайтында.

Америкалық БАҚ Зеленскийдің АҚШ-қа сапарын Пенсильваниядағы Украина армиясы үшін 155 мм артиллериялық снарядтар шығарылатын зауытқа барудан бастайтынын хабарлады.

Жексенбі күні кешке Украина президенті бұл деректерді растады. Зеленский ұшақта украиндықтарға арнаған түнгі үндеуінде «Біз АҚШ-қа сапарымызды бастаймыз. Енді біз арнайы сапармен Пенсильванияға, содан кейін Нью-Йорк пен Вашингтонға ұшамыз» деді.

Зеленскийдің айтуынша, ол АҚШ-қа Украинаның Ресеймен соғыстағы «жеңіс жоспарын» әкелген. «Америка президенті оны бірінші болып толық көреді, әрине, мен барлық серіктес елдердің басшыларына жеңіс жоспарын ұсынамын», - деді Зеленский.

Ол сондай-ақ жоспарды АҚШ Конгресіне, екі партияның өкілдеріне және президенттікке екі кандидатқа ұсынуға уәде берді.

Сейсенбіде Зеленский БҰҰ Қауіпсіздік кеңесінің Украинадағы жағдай бойынша отырысына қатысады, ал сәрсенбіде БҰҰ Бас Ассамблеясында сөз сөйлейді.

Бейсенбіде, 26 қыркүйекте Украина көшбасшысының Ақ үйде президент Джо Байденмен және вице-президент және Демократиялық партиядан президенттікке үміткер Камала Харриспен екі кездесуі жоспарланған

Зеленскийдің баспасөз хатшысы Украина президентінің Республикалық партиядан президенттікке үміткер Дональд Трамппен де келіссөздер жүргізуге ниетті екенін хабарлады.