Жаңа Зеландияда 40 мың маори құқығын қорғау үшін наразылыққа шықты

Олар Ұлыбритания мен маори халқы арасындағы 1840 жылғы келісімді қайта талқылайтын заң жобасына наразылық білдірді. Бұл туралы ВВС жазды.

Маори патшайымы Нга Вай Хоно да заң жобасы қаралып жатқан Парламент үйінде болды. Бұл наразылық шеру тарихтағы ең үлкен шеру болды. Маорилер басқарушы коалицияға кіретін Act Political  партиясы ұсынған заң жобасына наразылық білдіруде. Құжатта 1840 жылы британдық отаршылдар мен бірнеше маори тайпаларының көсемдері қол қойған Вайтанги шартының жаңа түсіндірмесі бар, бұл қазіргі Жаңа Зеландияның негізін қалаушы құжат.

Келісімшартта тек үш тармақ бар. Біріншісінде жергілікті көсемдер билікті британдықтарға  береді, екіншісінде Ұлыбритания Жаңа Зеландиядағы барлық адамдарға меншік құқығына кепілдік береді, үшіншісінде британдықтар жаңа зеландиялықтардың субъектілерінің қорғалуына, құқықтары мен артықшылықтарына уәде етеді.

Жаңа заң жобасы авторларының пікірінше, бұл Жаңа Зеландияның тек маори мен британдық отаршылдар емес, көп ұлтты ел екенін көрсету үшін қажет. Дегенмен, заң жобасын сынаушылар бұл заң жобасы Жаңа Зеландиядағы байырғы халықтардың заңдылығына қауіп төндіреді дейді.

Өткен аптада маори парламентінің депутаттары заң жобасына наразылық білдіру үшін хака билеп, парламент жиылысын бұзды.