Жаңаөзендегі сауда орталығындағы өртті сөндірушілердің бірі жансақтау бөліміне түсті

25 наурызға қараған түні Жаңаөзендегі құрылысы аяқталмаған «Заңгер» сауда орталығында өрт шықты. Ғимараттың екінші қабаты өртеніп, жалын 300 шаршы метрге жуық аумақты шарпыған. Өрт шамамен екі сағатта сөндірілді. Өртті сөндіру кезінде өрт сөндірушілердің бірі зардап шекті.

«Жәбірленуші жансақтау бөліміне жатқызылды және дәрігерлердің бақылауында», - деп хабарлады Төтенше жағдайлар департаменті.
Жақын арада ер адамды Ақтаудағы облыстық ауруханаға жіберу жоспарлануда.