Жанібек Әлімханұлының титулы бойынша шешім жарияланды

Соған қарамастан, ұйым қазақстандық боксшының чемпиондық титулын сақтап қалды. 

Дисквалификация кезеңінде Әлімханұлына кәсіби және көрме жекпе-жектерінің барлығына қатысуға тыйым салынады. Орта салмақтағы белсенділікті сақтау және рейтингтегі үміткерлердің құқықтарын қорғау мақсатында WBO уақытша чемпиондық титул үшін жекпе-жек өткізуге рұқсат берді: рейтингтің бірінші нөмірі Дензел Бентли екінші нөмірлі Энди Сааведрамен кездеседі.

Ұйымның шешіміне сәйкес, дисквалификация мерзімі аяқталған соң Әлімханұлы уақытша чемпионмен бірден жекпе-жек өткізуге міндетті. Бұл айқас толыққанды чемпионды анықтайды. WBO аралық жекпе-жек өткізуге рұқсат бермейтінін ескертті, ал талапты орындамау қосымша санкцияларға әкелуі мүмкін.

WBO президенті Густаво Оливьери чемпиондық жекпе-жектер жөніндегі комитет шешімді бірауыздан қабылдағанын айтты. Дисквалификация мерзімі 2025 жылғы 2 желтоқсаннан бастап есептеледі. Ұйым алдағы уақытта толық қорытындылар мен талаптар көрсетілген ресми құжатты жарияламақ.

Еске салайық, 2025 жылдың желтоқсан айының басында WBA чемпионы Эрисланди Ларамен үш титул үшін өтетін жекпе-жек алдында Әлімханұлының ағзасынан антидопинг кодексімен тыйым салынған мельдоний табылғаны белгілі болған еді.