Жазылу
Жапония премьер-министрінің Қазақстанға сапары тоқтатылды
Жапонияның Қазақстан Республикасындағы елшілігі бір күн бұрын болған жер сілкінісіне байланысты премьер-министр Фумио Кишиданың Қазақстанға сапарының тоқтатылғанын хабарлады.
«8 тамызда Жапонияда күшті жер сілкінісі болғанын, сондықтан Премьер-министр Кишида мырзаның Қазақстанға сапарын тоқтату туралы шешім қабылданғанын өкінішпен хабарлаймыз. Тиісінше, онымен бірге делегация да келмейді, оның ішінде баспасөз хатшылары мен олардың орынбасарлары да бар», - деп хабарлады елшілік.
Бұған дейін Ақорда Президент Қасым-Жомарт Тоқаевтың шақыруымен 9-10 тамыз күндері Жапония Премьер-министрі Фумио Кишида Қазақстанға ресми сапармен келетінін хабарлаған.
9 тамызда Астана қаласында «Орталық Азия + Жапония» Диалогының бірінші саммиті өтуі керек болған.
Ал, 10 тамыз күні Қазақстан Президенті Қасым-Жомарт Тоқаев пен Жапония Премьер-министрі Фумио Кишида екіжақты келіссөздер жүргізеді деп жоспарланған.
