Жапонияда жер сілкінісінен қаза тапқандар саны 92-ге жетті

 Бұл туралы Kyodo News+ хабарлады.

Жапония Ното аймағындағы құтқару операцияларына қатысатын адамдар санын 4600-ге арттырды, өйткені қаза тапқандар саны 92-ге жетті және 240-тан астам адам із-түзсіз жоғалған.

Жаңа жыл күні Жапонияның орталық бөлігінде жер сілкінісінен болған ауқымды құрылымдық зақым, көшкін және дүмпулер іздеу және құтқару жұмыстарына кедергі келтіріп жатыр. Құтқарушылар аман қалғандарға жету үшін үйінділер мен жабылған жолдарды ашуға мәжбүр. Құлаған ғимараттардың астында қалған 40-тан астам адам әлі де бар.

 Жергілікті билік 7,6 балдық жер сілкінісінен қатты зардап шеккен Исикава префектурасындағы 370 баспанадан 33 мыңға жуық адам эвакуацияланды деп хабарлады.

Жолдардың қирауына байланысты кем дегенде 700 адам әлі оқшауланған, префектурада 30 мыңға жуық үй жарықсыз, сусыз қалған.

Естеріңізге сала кетейік, дүйсенбі, 1 қаңтарда Жапонияда бірнеше күшті жер сілкінісі болды. Екі сағат ішінде елдің батыс жағалауында Ишикава және Ниигата префектуралары аймағында 29 жер сілкінісі тіркелді.