Жер қойнауын ұтымсыз пайдаланған компания мемлекетке 600 млн теңгеден астам залал келтірді

Прокуратура мәліметінше, «ANACO» ЖШС 2018-2023 жылдар аралығында көлемі 4 237 248 м³ шикі газ жоғалып, жер қойнауын ұтымсыз пайдаланған.

Бұл «Жер қойнауы және жер қойнауын пайдалану туралы» кодекстің 125-бабының 2-тармағы және 147-бабының 4-тармағының талаптарын өрескел бұзу болып табылады (көмірсутектерді өндіру оның жоғалуын болдырмайтын әдістер мен тәсілдер арқылы жүзеге асырылуы керек), делінген хабарламада.

Қадағалау актісінің негізінде Мұнай-газ кешеніндегі мемлекеттік инспекциясының батыс өңіраралық басқармасымен мемлекетке келтірілген залал мөлшері есептеліп, 673 130 278 теңгені құрады.

Жер қойнауын пайдаланушымен ерікті түрде 285 000 000 теңге төленген.