Жетісудағы Алтынкөлде құтқару операциясы кезінде құтқарушы қаза тапты

 Бұл туралы Kazinform хабарлады.

Жетісу облысының төтенше жағдайлар департаменті мәліметінше, 2026 жылғы 7 наурызда кезекші қызметке Панфилов ауданындағы Атамекен ауылдық округінде орналасқан Алтынкөл көлінде балық аулау кезінде мұз жарылғаны туралы хабар түскен.

Соның салдарынан балықшылардың мұздың үстінде қалып, мұз кесегі көлдің ортасына қарай ағып кеткен.

Оқиға орнына:

• Жаркент қаласындағы №11 өрт сөндіру бөлімінің қызметкерлері,

• Талдықорған қаласының жедел-құтқару жасағы,

• Барыс республикалық құтқару қызметі,

• сондай-ақ Алматы облысы мен Жетісу облысының құтқарушылары жіберілген.

Құтқару жұмыстары жүріп жатқан кезде мұз қайтадан жарылған.

Салдарынан Панфилов аудандық төтенше жағдайлар бөлімінің №11 өрт сөндіру бөлімінің қарауыл бастығы, азаматтық қорғау майоры Дамир Таранов қаза тапты.

Дамир Таранов, 1994 жылғы 28 маусымда туған, азаматтық қорғау жүйесінде қызметін 2012 жылы бастаған, 2016 жылдан бастап өртке қарсы қызмет органдарында жұмыс істеген. Панфилов ауданы мен Қапшағай қаласындағы өрт сөндіру бөлімдерінде түрлі лауазымдар атқарған.

Соңғы жылдары ол Жетісу облысы Панфилов ауданындағы №11 өрт сөндіру бөлімінде қызмет еткен.

Бұған дейін Абай гарнизонында келісімшарт бойынша қызмет атқарған әскери қызметкердің қаза тапқаны туралы да хабарланған.