Жезқазғанда ақбөкендердің қырылуынан кейін судағы аммиак деңгейі тексеріліп жатыр

Қалада санитарлық-эпидемиологиялық бақылау басқармасының мәліметінше, эпидемиологтар енді су үлгілерін аптасына бір рет алып, аммиак деңгейін тексеріп жатыр. Бұған дейін тек органолептикалық көрсеткіштер — түсі, тұнықтығы, иісі тексерілген. Енді аммиакты бақылау тобы да қосылған, өйткені жануарлардың өлекселерінен аммиактың бөлінуі мүмкін — бұл өте улы заттардың бірі.

Қала санитарлық-эпидемиологиялық бақылау басқармасының басшысы Нұрбол Жолдыбаевтың айтуынша, әзірше зертханалық нәтижелер норма шегінде, адам денсаулығына қауіп жоқ. Алайда, Жезқазғандағы су құбырының қосымша хлорлау жұмыстары жүргізіледі.

Айта кетейік, биылғы жылдың басынан бері Қазақстанда ақбөкендердің жаппай қырылуы байқалды. Әр түрлі аймақтарда 5,2 мыңнан астам өлекселер жойылды, соның ішінде Жезқазған мен Қаражал маңындағы жерлерде де көп ақбөкен өлген. Құзырлы органдар бұл жағдайды табиғи өліммен түсіндіреді.