Жүректен жүрекке - Birgemiz: Qamqor жобасы

Оның мақсаты – қарт адамдарға қамқорлық пен көңіл бөлу. Еріктілер қарттар үйлеріне барып, семинарлар, кездесулер, мәдени шаралар ұйымдастырады, зейнеткерлерге қажетті көмек көрсетеді. Бір сөзбен айтқанда, олар «Біз біргеміз және қорғаудамыз» деген жобаның философиясын негіздей отырып, көмектесу үшін бірігеді.

Birgemiz: Qamqor жобасының басталуы туралы «Markhabat.KZ» мүгедектер қоғамының төрағасы Дарын Сағдолдин:

— Мен көптен бері қарттар мен мүмкіндігі шектеулі жандарға көмектесумен айналысып келемін. 2021 жылы мен Birgemiz:Qamqor 6 айлық пилоттық жобасының гранты туралы білдім. Идея өзінің ауқымдылығымен өте қызықты болды – бүкіл Қазақстанды қамту қажет болды. Бұл еліміздің барлық аймақтарында қарт адамдарға көмек көрсетуді жүзеге асыруда халыққа қолдау көрсету мүмкіндігін білдірді. Командамен бірге қатысуға өтініш жаздық. Байқау ауқымды деңгейде өтті, біз жеңдік. Жоба сәтті жүзеге асырылғаннан кейін біз оны кеңейтуді жалғастырып жатырмыз, — дейді.

Д.Сағдолдиннің айтуынша, жоба бірнеше бағытты қамтиды. Бұл волонтерлерді оқыту, «Қарттарға қуаныш сыйла!» акциясы және конкурстық негізде берілетін шағын гранттар портфелі.

«Бұл жобалардың ішіндегі ең табыстысы Birgemiz:Qamqor жобасынан тәуелсіз, өздігінен дамып жатыр», — деді ол.

Жоба үйлестірушісі Меруерт Өтегенова:

— Қарт адамдарға қамқорлық көрсету, олардың мәселелерін шешу – Birgemiz: Qamqor компаниясының басты философиясы. Еріктілер әр адамға ерекше жеке көзқарас табуға тырысады. Өмірде дана, артында дүниелік тәжірибесі мол қарт адамдармен тілдесу – жас әуесқойлар үшін үлкен өмір мектебі. Біздің волонтерлар жобаға қатысудан баға жетпес тәжірибе алады: олар аға буынмен қарым-қатынастың қыр-сырын түсінеді, жылы лебіздер мен құнды кеңестер алады. Сондай-ақ, жобамыздың көмегімен қоғамымыздың алдында тұрған берекелі кәрілік мәселесінің өзектілігін көрсетуге тырысамыз, — деді.

Хронология. «Birgemiz: Qamqor» әлеуметтік жобасын жүзеге асыру 2020 жылы Азаматтық бастамаларды қолдау орталығы гранты форматында басталып, бір жылдан кейін оны жүзеге асыруға «Мүгедектер қоғамы» Marhabat.KZ» ұйымы қосылды.

Ауқымды жұмыстар жүргізілген: еріктілер қарттарға, ерекше қажеттіліктері бар адамдарға атаулы көмек көрсетті, әлеуметтік қызмет көрсету ұйымдарында мәдени іс-шаралар ұйымдастырылды. 2022 жылы гранттық қаржыландыру бойынша жұмыс жалғасын тапқан. Алғашқы кезеңде әлеуметтік қызмет көрсету ұйымдарында жұмыс істеу үшін еріктілерді іріктеу, оқыту және дайындау ұйымдастырылған. Осының арқасында көптеген еріктілер қарттардың өмірі мен тұрмысына жаңаша көзқараспен қарай алды. Сондай-ақ шағын гранттық конкурстар өткізіліп, 30 жеңімпаз өздерінің волонтерлік бастамаларын жүзеге асыруға мүмкіндік алды. Осылайша, «Қарттарға қуаныш сыйла» акциясы аға ұрпақты қолдауға, олардың күнделікті өмірін көркейтуге, көңіл бөлуге деген бір серпіліспен еріктілерді біріктірді.

Акция аясында 461 қарияға атаулы көмек көрсетілсе, 2539-ы мәдени-демалыс шаралары аясында қамтылды.

Акцияның міндеті – мемлекеттік медициналық-әлеуметтік мекемелердің, басқаша айтқанда, қарттар үйінің қамқорлығындағылардың көрсетілетін қызметтерге қаншалықты көңілі екенін анықтау болды.

Бұл Қазақстанның 14 облысындағы, сондай-ақ Астана мен Алматыдағы 34 арнаулы әлеуметтік қызмет көрсету орталығындағы ауқымды зерттеу болды. Зерттеуге мыңнан астам респондент қатысты. Жұмыс қорытындысы бойынша талдау ақпаратын дайындап, облыстардың уәкілетті органдарына жіберілді.

Еріктілер қатарында жастар өте көп.

«Қазақстандықтар әрқашан мейірімділігімен, көршілеріне көмектесуге құштарлығымен ерекшеленді. Мұны тарихымыздан да оңай аңғаруға болады. Иә, еріктілердің көпшілігі жастар. Олар жаңа тәжірибе алуға мүдделі, сонымен қатар үлкенді құрметтеу қағидаттарына негізделген білім маңызды рөл атқарады. 2021 жылы 1000 волонтер тартылған болса, келесі жылы олардың саны 2000-ға жетті. Барлық еріктілерді әлемді жақсартуға деген, әекет етуге деген ұмтылыс және,, олардың мейірімді жүректері біріктіреді», — деп бөлісті жоба үйлестірушісі.