Тоқаев үкіметке жаңа кадрлар даярлау жөнінде тапсырма берді

Сайт әкімшілігі

07.12.2021, 13:15

1088

Қасым-Жомарт Тоқаев «Алтын сапа» және «Парыз» сыйлықтарының иегерлерін салтанатты түрде марапаттау рәсімінде бейнебайланыс режимінде сөз сөйледі. 

Президент өз Жолдауында 2025 жылға қарай өңдеу өнеркәсібінің экспортын 1,5 есеге, еңбек өнімділігін 30 пайызға арттыру міндетін жүктегенін еске салды. Оның пікірінше, бұл — аса маңызды мақсат, қол жеткізу үшін барлық мүмкіндік бар және жағдай жасалып жатыр.

Мемлекет басшысы отандық өңдеуші кәсіпорындарды қолжетімді шикізатпен қамтамасыз етуге мүмкіндік беретін "Өнеркәсіп саясаты туралы" заңның тез арада қабылдануының маңызды екенін атап өтті.

Сонымен қатар, Президент отандық бизнестің көрші елдердің нарығына шығуы үшін заманауи инфрақұрылымды дамыту қажеттігі жөнінде айтты.

"Қорғас" шекара маңы ынтымақтастығының халықаралық орталығы табысты жұмыс істеп тұр. Сонымен қатар, тағы төрт трансшекаралық хаб: оның екеуін Ресеймен шекарада, Өзбекстанмен және Қырғызстанмен шекарада бір-бірден салу жоспарланып отыр. Бұл транзакциялық шығындарды азайтуға, көлік логистикасының тиімділігін арттыруға және нәтижесінде экспортымызды ұлғайтуға мүмкіндік береді", — деді Президент.

Мемлекет басшысы елімізде өндірілетін тауарлардың бәсекеге қабілеттілігін арттырудың және сапаны бақылаудың заманауи жүйесін енгізудің маңыздылығына назар аударды.

Сонымен қатар, Мемлекет басшысы өнеркәсіп саласында білікті мамандардың жетіспейтініне ерекше назар аударды. Бұл — индустрияландыру үдерісін тежейтін факторлардың бірі.

"Өнеркәсіп саласында білікті мамандардың жетіспеуі — индустрияландыру үдерісін тежейтін факторлардың бірі. 2025 жылға қарай 500-ге жуық индустриялық жобаны іске қосуды жоспарлап отырмыз.  Үкімет аталған өндіріс орындарында жұмыс істейтін білікті кадрларды осы бастан дайындауы керек. Бүгінде мемлекет жұмыс берушілерге нақты қолдау көрсетіп отыр. Жұмыс орнында оқыту, "Ұрпақтар келісімшарты" және «Алғашқы жұмыс орны» сияқты жас мамандарға қолдау көрсету шаралары іске асырылып жатыр. Мемлекет тарапынан тиісті субсидиялар қарастырылған", — деді Президент.

Мемлекет басшысы Үкімет «Атамекен» ұлттық кәсіпкерлер палатасымен бірлесіп, жұмыспен қамту және қызметкерлердің біліктілігін арттыруды ынталандыруға бағытталған қосымша шараларды пысықтауы қажет екенін атап өтті.

Тегтер: саясат пайым пікір билік мансап лауазым

ҰҚСАС ЖАҢАЛЫҚТАР

Сайт әкімшілігі 18:50
Тоқаевтың тапсырмасына саботаж жасалды
Сайт әкімшілігі 17:22
Тоқаев ішкі істер министрінің орынбасарын тағайындады
Сайт әкімшілігі 16:26
Полиция «ӨКМ Операторы» топ-менеджерінің жұмбақ өліміне қатысты пікір білдірді
Сайт әкімшілігі 14:43
Ертең Nur Otan партиясы саяси кеңесінің отырысы өтеді
Сайт әкімшілігі 13:08
Оператор РОП-тың басқарушы директоры өзіне қол жұмсады
Әділ АҚЫЛБАЙ 12:29
Мәә!!! Не деген байлық?

Аңдатпа


  • Байлар 30 жыл «жиып-тергенін» «Қазақстан халқына» қия ма?!
    20.01.2022, 08:50
  • Біреуге бас қайғы, біреуге «мал» қайғы
    20.01.2022, 08:49
  • Алматыны «терроризм астанасы» етпек болды
    20.01.2022, 08:48
  • Қазақстанда билік төңкеріледі - үндістандық көріпкел Арченаның айтқаны келді
    19.01.2022, 00:00
  • «Аш адам ұрысқақ келетінін» ұмытпасақ екен...
    19.01.2022, 08:48