Уолт Дисней «Болашақ» қорымен ынтымақтастық орнату олар үшін үлкен мәртебе екенін айтты

Сайт әкімшілігі

25.11.2021, 10:45

489

Елордада «Nur Otan» партиясының қолдауымен Walt Disney Pictures студиясының «Энканто» анимациялық фильмінің премьера алдындағы көрсетілімі болды. Бұл – «Болашақ» қоры мен «Меломан» компаниясының бастамасы бойынша ең жоғары стандарттар бойынша қазақ тіліне дубляждалып отырған 38-ші кинокартина. 

«Болашақ» қорының қамқоршылық кеңесінің құрметті мүшесі Бауыржан Байбек атап көрсеткендей, шетелдік фильмдерді бюджеттен тыс қаражат есебінен мемлекеттік тілге дубляждау – болашақтықтар іске асырған әлемдегі бірден бір жеке бастама. 2011 жылдан бері жобаға 22 демеуші компания қолдау көрсетті, ал барлық 38 фильмді дубляждаудың жалпы құны 1,5 млрд теңгеден астам болды. 

«2011 жылы біздің «Өзіңнен баста» атты жобамызды еліміздің Тұңғыш Президенті – Елбасы Нұрсұлтан Назарбаев қолдады. Нәтижесінде, 10 жыл ішінде балалар үшін қазақ тілінде 70 сағаттан астам сапалы контент жасадық. Тәуелсіздіктің 30 жылдығын атап өту қарсаңында біз қазақстандықтарға соңғы жобамыз – «Энканто» атты фильмді ықыласпен тарту етеміз. Осы жылдар аралығында бізге қолдау көрсеткен барлық актерлерге, режиссерлерге, әріптестер мен демеушілерге тағы да үлкен алғысымды білдіремін», — деді Бауыржан Байбек.

Оның айтуынша, болашақтықтардың бастамасы «Nur Otan» партясының қолдауымен жалғасын тауып, мемлекеттік тілде сапалы мультимедиалық контент жасау жөніндегі ұлттық саясаттың бір бөлігіне айналады. 

«Барша ұлт өкілдерінің өзіндік болмыс-бітімін сақтай отырып, қазақ тілін, мәдениет пен дәстүрді дамыту «Nur Otan» партиясының стратегиялық басымдығы болып табылады. Мемлекет басшысы Қасым-Жомарт Тоқаев жария еткен партияның Сайлауалды бағдарламасын жүзеге асыру бойынша Жол картасы аясында «Кинематография туралы» Заңға өзгерістер енгізу жоспарланған. Кинотеатрларда қазақ тіліндегі контентті көруге теңдей мүмкіндік беру мақсатында жыл сайын кемінде 15 анимациялық фильм мен отбасылық тамашалауға арналған фильмнің дубляжын қамтамасыз етуге мемлекеттік қолдау көрсету көзделіп отыр, – деді ол.

«Уолт Дисней Компани СНГ» компаниясының бас директоры Кахабер Абашидзе «Болашақ» қорын 10 жылдық мерейтойымен құттықтай отырып, компания үшін қазақстандық үкіметтік емес ұйыммен ынтымақтастық орнатып, Қазақстанда бірегей мәдени және әлеуметтік жобаларға қолдау көрсету зор мәртебе екендігін атап өтті. 

«Біз осы елде қазақ тіліне кәсіби дубляж жасаудың қалыптасуына қатысушы болғанымызды мақтан тұтамыз. Бірлескен жұмыстың арқасында ТМД елдері аумағында алғашқы болып киноконцерт форматын ұсынып, оны ТВ-ға көшіргенімізге қуаныштымыз. Сондай-ақ, біз қордың аутистік спектрі бұзылған адамдар үшін қолайлы орта құру жобасымен балалар мен жастарды қолдау жөніндегі әлеуметтік жобасы аясындағы ынтымақтастықты бағалаймыз», – деп атап көрсетті өз мәлімдемесінде Кахабер Абашидзе.

Осы жылдар аралығында болашақтықтардың жобасы арқасында қазақ тілі «Walt Disney» компаниясының тарихында 39-шы және екінші түркі тілі болғанын атап өткен жөн. Сондай-ақ, қазақ тілі Шығыс Еуропа мен ТМД елдері үшін шығарылатын голливудтық фильмдердің Blu-Ray-де көруге болатын негізгі 7 тілінің қатарына қосылды. Жобаның арқасында 100-ден астам қазақстандық актер бүгінде «Walt Disney Pictures»-тің дыбыстық базасында тұр, ал шығармашылық және техникалық мамандықтар саласының 203 өкілі «Walt Disney Pictures» студиясының стандарттары бойынша оқудан өтті. 

Қазақстан кинотеатрларында «Энканто» 25 қарашада қазақ және орыс тілдерінде шығып, содан кейін IVI және Megogo онлайн-кинотеатрларында қазақ тілінде көруге болатын шетелдік фильмдер коллекциясын толықтырады. «Энканто» – «BI Group» құрылыс холдингінің демеушілік қолдауымен дубляждалып отырған 13-ші фильм.

Тегтер:

ҰҚСАС ЖАҢАЛЫҚТАР

Әділ АҚЫЛБАЙ 15:46
Назарбаев дұрыс істеді!
Сайт әкімшілігі 13:15
Тоқаев үкіметке жаңа кадрлар даярлау жөнінде тапсырма берді
Сайт әкімшілігі 11:35
Алматыда жылу жүйесі жарылып, Рысқұлов даңғылын қалың бу басып қалды
Еңлік АБАҒАН 09:16
Ырымшыл Бозымбаев һәм Баталовтан қалған аутсайдер облыс
Жарас КЕМЕЛЖАН 09:15
Сталин өлтірді, Ақсақалов күресінге тастады
Сайт әкімшілігі 06.12.2021, 12:08
30 градус аяз болады

Аңдатпа


  • Жастармен бірге тыныстайтын басылым
    30.11.2021, 18:08
  • "Жас Алашқа" жазылуды ұмытпаңыз!
    23.11.2021, 10:20
  • Қайта түлеуге қадам басқан Майқұдық
    22.11.2021, 14:03
  • «Жас Алашты» ауыл кітапханасына жаздырып бердім
    16.11.2021, 10:00
  • «Ақиқаттың алдаспаны» байқауына қатысыңыз
    26.10.2021, 11:14