17:14, 09 Сәуір 2024
10 сәуір күні Айт намазы оқылады
10 сәуір күні Қазақстанның барлық аймағында Айт намазы оқылады. Бұл туралы ҚМДБ өкілдері мәлімдеді.
Басқарма жариялаған кестеге сай, айт намазы Алматыда 10 сәуір сағат 06:30-да, ал Астана мен Шымкент қалаларында сағат 07:00-де оқылады.
Айта кетейік, Ораза айт - Рамазан айынан кейінгі Шәууәл айының бірінші күні, яғни мұсылмандардың маңызды діни мейрамы. Бұл - екі айт мейрамының бірі.
Мереке күні мұсылмандар мешітте жиналып жамағатпен айт намазын оқиды.
Сонымен қатар, айтта ораза ұстауға тыйым салынады.
Фото: ашық дереккөз