Астанадағы қоқыс полигонындағы өртті сөндіруге 15 мың тонна топырақ жұмсалды
Астанада 10 шілдеде қатты тұрмыстық қалдықтар полигонында тұтанған ірі өрт толықтай сөндірілді.
Үш гектар аумақты шарпыған қызыл жалынды ауыздықтауға құтқарушыларға үш күн қажет болды.
Өртті толық жою және қайта тұтану қаупінің алдын алу үшін мамандар тығыз топырақпен көму әдісін қолданған.
Төтенше жағдайлар қызметінің мәліметінше, осы мақсатта полигон аумағына шамамен 15 мың тонна топырақ төгілген. Бұл әдіс түтіндеп жатқан ошақтарды толық оқшаулап, өрттің қайта өршуіне жол бермеуге мүмкіндік берген.
Өрттің шығу себептері анықталып жатыр.