Наурызнама: Қайырымдылық – мейірім мен бірліктің бастауы
Қарағанды облысы және Ұлытау облысы бойынша ҚАЖД-ға қарасты №36 мекемесінің ұжымы мұқтаж жандарға қолдау көрсетті.
Бірлік пен тұрақтылық – әр қоғамның даму негізі. Адамдар арасындағы татулық пен өзара қолдау, әлеуметтік әділдік пен жанашырлық сезімі қоғамды берік әрі сенімді етеді. Қоғамдағы әрбір мейірімді іс – осындай құндылықтарды нығайтып, адамдар арасындағы байланысты тереңдетеді.
Әсіресе қазіргі заманда адамдар арасындағы түсіністік, өзара қолдау және жанашырлық сезімі бұрынғыдан да маңызды. Өйткені қоғамның сенімділігін арттыру, әр азаматтың қоғамға деген сенімін сақтау және әлеуметтік теңдікті нығайту – осы құндылықтар арқылы ғана мүмкін. Міне осы себептен, бірлік пен тұрақтылық – әрбір қоғам мүшесінің жүрегінде қалыптасуы тиіс қасиет. Әрбір игі іс, әрбір жанашыр әрекет – осы құндылықтарды нығайтып, қоғамды рухани әрі моральдық тұрғыдан байытады.
Бүгін – Наурызнама онкүндігі аясындағы Қайырымдылық күні. Бұл күн адамдарды өзара көмек көрсетуге, қолдау білдіруге және игі істер жасауға шақыратын ерекше мейірімділік пен жанашырлық мерекесі болып табылады.
Осы игі бастама аясында ҚАЖ қызметкерлері Северка ауылы мен Долинка кентінде тұратын екі көпбалалы отбасыға әлеуметтік көмек ретінде азық-түлік пен тұрмыстық тауарларды табыстады.
Қайырымдылық шарасының басты мақсаты – әлеуметтік тұрғыдан осал отбасыларға нақты көмек көрсету, қоғамдағы жанашырлық пен бірлікті нығайту. Мұндай игі істер мұқтаж адамдарға қоғам тарапынан қолдау мен қамқорлықты сезінуіне мүмкіндік береді.
Қайырымдылық күні адамдарды мейірімді болуға, бір-біріне жанашырлық көрсетуге және ортақ игілік жолында бірігуге шақырады.