Батыс Қазақстанда швейцариялық туристер жол апатына ұшырады
Маңғыстау облысында құтқарушылар жол апатына түскен Швейцария туристеріне көмек көрсетті.
Бейнеу – Ақтау тасжолында екі шетелдік отырған автодом кенеттен аударылып қалған.
Оқиға орнына жедел түрде ТЖД қызметкерлері жеткен. Құтқарушылар туристерді көліктен шығарып, қауіпсіздікті қамтамасыз етіп, оларды Бейнеу ауылына жеткізген.
Онда шетелдік қонақтар қонақүйге орналастырылды.
Абырой болғанда, туристерге медициналық көмек қажет болмаған.