Қазақстандық теннисші Жібек Құламбаева Мадридтегі турнирде чемпион атанды
Қазақстандық теннисші Жібек Құламбаева мен италиялық Николь Фосса Уэрго Испанияның Мадрид қаласында өткен W100 сериялы турнирдің жұптық сайысында чемпион атанды.
Финалда олар испаниялық теннисшілер Марина Бассольс пен Андреа Ласаро Гарсияны тізе бүктірді. Бірінші сетте қарсыластары жеңіске жетіп, 7:6 (9:7) есебімен басым түсті. Алайда екінші сетте Жібек пен Николь есепті теңестіріп, 7:6 (7:4) нәтижесімен жауап қайтарды.
Кездесудің соңғы нәтижесі шешуші тай-брейкте анықталды. Бұл кезеңде қазақстандық және италиялық дуэт қарсыластарынан айқын басым түсіп, 10:4 есебімен жеңіске жетті.