AIRAN арнасы Қазақстанда хабар таратуды уақытша тоқтатты
Редакция туындаған қиындықтарға байланысты келіссөздер жүргізіп жатыр.
Қазақстанда AIRAN YouTube платформасында жұмыс істейтін арна уақытша хабар таратуды тоқтатты. Соңғы екі апта ішінде арнада жаңа материалдар жарияланбаған. Бұл турал Forbes Kazakhstan жазды.
Бұған дейін AIRAN-ның әлеуметтік желілердегі парақшаларында контент күн сайын жарияланып отырған. Мұндай ұзақ үзіліс бұрын болмаған.
Airan_media бас редакторы Даурен Мерекеев арнада уақытша қиындықтар туындағанын мәлімдеді.
— Әзірге нақты себептерін айта алмаймын. Қазір басты мақсат — осы қиындықтарды еңсеріп, аудитория мен ұжым үшін маңызды шешімдер қабылдау. Қазіргі уақытта келіссөздер жүргізіп жатырмыз. Бүгін немесе демалыс күндері мәселе шешіледі деп ойлаймын, — деді ол.
AIRAN — видеожурналистика, деректі зерттеулер және ағартушылық контентке бағытталған тәуелсіз қазақстандық digital медиа жоба.