Ақтау жағалауынан өлі итбалықтар табылды
Ақтау қаласының жағалауынан өлі итбалықтардың өлекселері табылды.
Бұл туралы Маңғыстау облысы бойынша Экология департаменті хабарлады.
Ведомствоның мәліметінше, 3 шілде күні Ақтау қаласының жағажайларынан итбалықтардың өлекселері анықталған.
«Қазіргі уақытта олардың нақты санын анықтау және есепке алу жұмыстары жүргізіліп жатыр», – деп хабарлады экологтар.
Осыған байланысты Экология департаментінің мамандары аталған аумақтағы теңіз суынан сынамалар алды.
«Сынамаларды зерттеу нәтижелері шыққаннан кейін қосымша ақпарат беріледі», – деп мәлімдеді ведомство.