Ақтауда жоғалған 18 жастағы Азаматты іздеу жетінші күнге ұласты
Ақтауда 18 жасында жоғалып кеткен Азамат Дүйсехановты іздеу жұмыстары әлі де жалғасып жатыр.
14 шілдеде құтқарушылар арнайы техника мен жүзу құралдарын тарта отырып, теңіз акваториясын, жағалау сызығын және оған жақын аумақтарды кезең-кезеңімен тексерді. Іздеу жоспарына сәйкес бұрын қаралған учаскелермен қатар қосымша аймақтар да қайта тексерілуде.
Азамат Дүйсеханов 7 шілде күні 18 жасқа толған туған күнін достарымен бірге Ақтаудан шамамен 48 шақырым жердегі O’Mir курорттық қонақүйі маңындағы жағалауда атап өткен. Сол күні шамамен сағат 15:00-де ол із-түзсіз жоғалып кеткен. Содан бері оның қайда екені белгісіз.
Қазіргі уақытта іздеу-құтқару жұмыстары тоқтатылған жоқ. Құзырлы қызметтер жас жігіттің жүрген жерін анықтау жұмыстарын жалғастырып жатыр.