Алматы мен Жетісу облысында жер сілкінді

Бұл туралы Төтенше жағдайлар министрлігінің баспасөз қызметі хабарлады.

Алматы облысындағы Алматы және Қонаев қалаларының тұрғындары да жер сілкінгенін хабарлады.

"2024 жылы 25 қарашада Астана уақытымен сағат 23:45-те Қазақстан Республикасы Төтенше жағдайлар министрлігі Сейсмологиялық бақылаулар және зерттеулер ұлттық ғылыми орталығы сейсмикалық стансалар желісімен Жетісу облысының аумағында жер сілкінісі тіркелді", - делінген ведомство хабарламасында. 

 ТЖМ мәліметінше, зардап шеккендер мен қираған үйлер жоқ.

Кейінірек Төтенше жағдайлар министрлігінен мәліметтер белгілі болды: жер сілкінісінің ошағы Алматыдан солтүстік-шығысқа қарай 257 шақырым жерде орналасқан.

ТЖМ мәліметінше, жер сілкінісі бір уақытта еліміздің бірнеше қаласында сезілген:

Алматы 2 балл,

Жаркент қаласы 4 балл,

Чунджа ауылы 3 балл,

Текелі қаласы 3 балл,

Қырғызсай ауылы 2 балл,

Қарабұлақ кенті 2 балл,

Жансүгіров ауылы 2 балл,

Көкпек ауылы 2 балл,

Сарқан қаласы 2 балл,

Талдықорған қаласы 2 балл.