Алматы облысында демалыс аймағында ер адамды өлтірді деген күдікпен екі адам ұсталды
Алматы облысында демалыс аймағында жұмыс істеген 29 жастағы ер адамның өліміне қатысты екі күдікті қамауға алынды.
Полицияның мәліметінше, 27 мамыр күні Ұйғыр ауданының полициясына әйел адам 29 жастағы ұлының жоғалып кеткені туралы арызданған. Оның айтуынша, ұлы жұмыс орнына кеткеннен кейін байланысқа шықпай қалған.
Осыдан кейін құқық қорғау органдары жедел іздестіру және іздеу шараларын бастаған. Нәтижесінде жоғалған азаматтың мәйіті жұмыс орнына жақын орналасқан демалыс аймағының маңынан табылған.
Тергеудің алдын ала нұсқасына сәйкес, марқұм мен оның әріптестері бірге ішімдік ішкен. Сол кезде араларында жанжал туындап, ер адамға дене жарақаттары салынған.
Оқиға бойынша «адам өлтіру» және «қылмысты жасыру» баптары бойынша қылмыстық істер қозғалды. Екі күдікті ұсталып, сот санкциясымен қамауға алынды.
Қазіргі уақытта оқиғаның барлық мән-жайын анықтау үшін тергеу амалдары жүргізіліп жатыр.
Полицияның хабарлауынша, сол күні күдіктілермен бірге болған үшінші азаматқа қатысты шешім тергеу қорытындысына сәйкес қабылданады.