Алматыда жаңа жыл мерекесінде шамамен 20 адам отшашудан зардап шекті
Алматыда жаңа жыл мерекесінде шамамен 20 адам отшашудан зардап шекті. Екі бала ауыр халде ауруханада жатыр.
Алматы қалалық жедел медициналық жәрдем қызметінің директорының орынбасары Андрей Ложкин Өңірлік коммуникациялар қызметінде өткен брифингте мерекелік күндері шамамен 20 адамның отшашудан жарақат алғанын хабарлады.
Зардап шеккендердің жартысынан көбі – балалар. Дәрігерлер күйік, аралас жарақаттар және қол саусақтарының зақымдануы тіркелгенін айтты.
Ең кішкентай зардап шегуші – 4 жаста, ал екі бала ауыр халде ауруханада жатыр.