Маңғыстауда асқазанында 1 келіден астам апиын тасымалдаған ирандық жасөспірім сотталды
Ақтауға асқазанында есірткі тасымалдаған ирандық жасөспірім 10 жылға сотталды.
Маңғыстау облысының қылмыстық істер жөніндегі мамандандырылған ауданаралық сотының үкімімен кәмелетке толмаған Иран азаматы есірткі контрабандасы, сондай-ақ оларды өткізу мақсатында заңсыз иемдену, сақтау және тасымалдау қылмыстық құқық бұзушылықтары үшін 10 жылға бас бостандығынан айырылды.
Сотпен анықталғаны, 2026 жылғы мамырда сотталған азамат "Горган – Ақтау" бағыты бойынша әуе рейсімен ұшып келіп, жалпы салмағы 1 келіден асатын апиын салынған 113 капсуланы жұтып асқазанда тасымалдаған, бұл Маңғыстау облысы бойынша ҰҚКД қызметкерлерімен анықталып, тәркіленді.
Мемлекеттік айыптауды облыс прокуратурасы қолдады.
Үкім заңды күшіне енді.