Астана әуежайын су басты
27 шілде күні кешке елордадағы халықаралық әуежайдың терминалында төтенше жағдай орын алды.
Әлеуметтік желілерде жарияланған видеоларда судың қабырға арасынан қатты қысыммен еденге аққаны анық көрінеді.
Әуежайдың баспасөз қызметінің мәлімдеуінше, сағат 19:36-да терминалдың бірінші қабатындағы нөсер суын ағызатын құбыр зақымданған. Ақауды жоюға 20 минут уақыт кеткен.
— Оқиға әуежайдың жұмысына әсер еткен жоқ. Рейстер кешіккен немесе тоқтатылған жағдайлар тіркелмеді, - деп атап өтті әуежай өкілдері.
Сондай-ақ, әуежайдың баспасөз қызметі ақау 12 минут ішінде жойылғанын, бұл жағдай әуе айлағының жұмысына әсер етпегенін мәлімдеді.