Атырау облысында бес жасар қыз суға батып кетті
Атырау облысының Тасқала ауылында бес жасар қыз суға батып көз жұмды.
«Ақ Жайық» басылымының мәліметінше, даму ерекшелігі бар бала үйінің маңындағы каналға түсіп кетіп, судан шыға алмаған.
Оқиға 23 маусым күні шамамен сағат 17:00-де болған.
Қайғылы жағдай туралы ақпаратты полиция растады. Қазіргі уақытта оқиғаның барлық мән-жайы анықталып жатыр.
Ал облыстық Төтенше жағдайлар департаменті бұл оқиға бойынша өздеріне ешқандай хабарлама түспегенін мәлімдеді.