Атырауда 1-сынып оқушысын көлік қағып, қаза тапты
Атыраудағы әл-Фараби атындағы Binom мектебінің маңында 1 сынып оқушысын көлік қағып кетті.
Қыз бала алғашқы сабағына бара жатқан кезде жаяу жүргіншілер өткелінде минивэн қаққан. Оқушы оқиға орнында немесе жедел жәрдем келгенге дейін көз жұмған.
Куәгерлердің айтуынша, апат басқа да ата-аналар мен оқушылардың көз алдында болған. Басқа зардап шеккендер туралы ақпарат әзірге жоқ.
Полиция оқиғаның толық мән-жайын анықтап жатыр, сараптама тағайындалған.