Атыраудағы Ленин ескерткішіне қатысты дау туды
Атырау қаласында 1981 жылы Жилгородок шағын ауданындағы саябаққа орнатылған Владимир Ленин ескерткішінің тағдыры төңірегінде қызу пікірталас өрбіді.
Атыраулықтардың пікірі екіге бөлінді. Бір топ тұрғындар тарихи құндылығы болмаса да, ескерткіш – өткеннің белгісі әрі қала тарихының бір бөлшегі болғандықтан, оны сақтап қалу керек дейді. Ал екінші тарап Ленин ескерткіші қазіргі Қазақстанда болмауы тиіс, өйткені ол - тоталитарлық режимнің және қысымның символы.
Айта кетейік, 2009 жылы Мәдениет министрлігінің арнайы комиссиясы Ленин ескерткішін тарихи-мәдени нысандар тізімінен алып тастау туралы шешім қабылдаған еді.
Атыраудағы Ленин ескерткішінің болашағына қатысты әзірге нақты шешім қабылданбаған.