Батыс Қазақстанда дәрігерге қоқан-лоқы көрсеткен ер адамға қылмыстық іс қозғалды
Оқиға Орал қаласында 10-нан 11 қаңтарға қараған түні болды. Түнгі қабылдау бөліміне жеткізілген науқас дәрігерге қоқан-лоқы көрсетіп, тіпті жағасынан ұстап алған.
Жедел әрекет еткен полиция ер адамды бөлімшеге жеткізді. Қазіргі уақытта оның үстінен қылмыстық іс қозғалып, тергеу жұмыстары басталды.
Еске салайық, дәрігерлерге сөз келтіру, ұру, қоқан-лоқы көрсету секілді қылмыстарға осы жылы жаза қатаңдатылды.