Бибарыс Әшірбай бокстан жасөспірімдер Олимпиадасында ширек финалға шықты
Дакарда (Сенегал) өтіп жатқан жасөспірімдер Олимпиадасында бокс бәсекелері басталды.
7 қарашада Қазақстан құрамасынан Бибарыс Әшірбай шаршы алаңға шықты.
Отандасымыз 70 келі салмақтағы алғашқы жекпе-жегінде Ливия өкілі Мохамед Джихадпен жұдырықтасып, мерзімінен бұрын жеңіске жетті.
Осылайша Бибарыс Әшірбай жасөспірімдер Олимпиадасының ¼ финалына шықты.