Елена Рыбакина Майами турнирінің төртінші айналымына өтті
Қазақстандық теннисші Елена Рыбакина Майамиде өтіп жатқан WTA 1000 турнирінің төртінші айналымына шықты.
Үшінші кезеңде әлемнің екінші ракеткасы Рыбакина Украина өкілі Марта Костюкті екі сетте 6:3, 6:4 есебімен жеңді.
Қазақстан теннис федерациясының мәліметінше, Рыбакина матч барысында өз геймін сенімді ұстап, маңызды брейк-пойнттарды тиімді пайдаланды.
Енді қазақстандық теннисші ширек финал жолдамасы үшін аустралиялық Талия Гибсонмен кездеседі.
Айта кетейік, бұған дейін Елена Рыбакина Индиан-Уэллс турнирінен кейін әлемнің екінші ракеткасы атанған.