Хуситтер Сауд Арабиясына зымырандар мен дрондармен шабуыл жасады
Йемендегі «Ансар Аллах» қозғалысы (хуситтер) Сауд Арабиясының Эр-Рияд және Янбу қалаларындағы нысандарға шабуыл жасағанын мәлімдеді.
Хуситтердің әскери өкілінің айтуынша, соққы кезінде баллистикалық және қанатты зымырандар, сондай-ақ дрондар қолданылған. Шабуылдардың бірі Эр-Риядтағы маңызды нысанға, екіншісі Янбу қаласындағы Saudi Aramco нысанына бағытталған.
Сауд Арабиясы бастаған араб коалициясының өкілі Турки әл-Малики елдің әуе қорғанысы Йеменнен ұшырылған алты зымыранды қағып түсіргенін хабарлады.
Хуситтер бұл шабуылдарды Йеменге жасалған соққыларға жауап деп атады.
Бұған дейін де қозғалыс Эр-Рияд пен Saudi Aramco нысандарына зымыран және дрон шабуылдарын жасағанын мәлімдеген.
Сауд Арабиясы қолдайтын үкімет әскері мен хуситтер арасындағы қақтығыс төрт жылдық үзілістен кейін шілде айының ортасында қайта жанданды.